Á burðarþolssviði starfar reyndur hópur verk- og tæknifræðinga með sérþekkingu á ýmsum sviðum burðarvirkjahönnunar, meðal annars jarðskjálftaverkfræði, sveiflugreiningu mannvirkja, klæðningalausnum og glerburðarvirkjum.

Reynsla starfsmanna Ferils á burðarvirkjasviði spannar 40 ár. Þekking okkar og reynsla af verkefnum á Íslandi er okkur mikils virði og gerir okkur kleift að tryggja lausnir sem henta íslenskum aðstæðum.

Lykillinn að góðri burðarvirkjahönnun er:

• Þekking
• Reynsla
• Samvinna

Á framkvæmdasviði Ferils starfar fjölbreyttur hópur verk- og tæknifræðinga sem kappkostar að leita hagkvæmustu leiða í verklegum framkvæmdum.

Mjög mikil áhersla er lögð á góðan undirbúning verkefna og vandaðar áætlanagerðir. Kostnaðareftirlit er eitt af mikilvægustu þáttum framkvæmda og stöðug eftirfylgni tryggir að markmið verkefna náist.

Á lagnasviði starfar öflugur hópur verk- og tæknifræðinga sem leitast við að hanna lagnakerfi á sem hagkvæmastan hátt. Einnig hafa margir í þessum hópi iðnmenntun sem reynst hefur mjög vel.

Starfsfólk lagnasviðs hefur mikla reynslu í hönnun lagnakerfa, bæði hönnun á almennum lagnakerfum sem og flóknum og sérhæfðum kerfum.

Hönnun lagnakerfa hefur mikil áhrif á gæði þess umhverfis sem fólk býr og vinnur í og þar með líðan þess og heilbrigði.

Við leggjum áherslu á:

• Góða þekkingu starfsmanna
• Stöðuga endurmenntun
• Besta hugbúnað sem völ er á